Gusto ko sanang sumigaw
Ilabas lahat ng galit
Ng poot
Ng sakit
Ng pighati.
Pero ano nga bang magagawa
Kung sarili kong boses,
Hindi naniniwala sa akin.
Kung ang sarili kong utak,
walang bilib sakin.
Kung ang sarili kong puso,
Ayaw tumibok
para sa akin.
Oo nasasaktan ako
Nahihirapan
Dahil para akong piping
Ang tanging hangad lang ay humiyaw
Pero heto't nakakulong.
Nalulunod.
Unti-unting namamatay
Habang nakatago,
nagtatago
sa kwarto na tanging
Ako lang ang may hawak
Ng susi
Ng kalayaan,
Ng kasarinlan
Ng kapayapaan.
Gusto kong sumigaw.
Kumawala sa hawla
Na ako rin ang may gawa.
Pero hindi ko kaya.
Hindi ko pa kaya
Dahil akoy mahina pa.
Walang komento:
Mag-post ng isang Komento